你地知啦......(偷笑)
日本既藥妝店好好行架嘛.....
見到唔係太貴, 又寫住咩 [第一位] 咁, 就想買黎試下 !
今次買左個 < cosme第1位> 既洗面膏
開頭見佢白色盒, 正正方方, 以為係洗面皂 ~
(心諗 : 2月時去 florence 買既洗面皂仲有好多 , 又買 ?)
但.............真係又買...............hahahahahaa
買左返去 , 開黎睇 , 原來係洗面膏黎的 ~
而且個盒仲好得意 !
因為產品有硫黃成份 , 唔想用手指直接 [了]落去受污染 , 所以設計到咁
( 咁其實同平時一支支o個d 吱出黎有咩分別? 好奇中 )
產品功效 :
天然硫黃素 - 可以去角質, 令皮膚有光滑效果
仲有滋潤 , 防青春痘 , 全身使用也可.....
購買當晚 , 我己迫不及待o係酒店用左1次, 仲配合埋 都係當日新買既 [毛穴洗面刷] 一齊用 !
呢個同類產品 , 香港都有左一排了, 但無買過, 今次見到平平地, 順便試埋 (好似HKD $7X)
由於.........當時在日本, 使用前幾日, 係經過太陽的強烈"招呼"
皮膚己經黑左唔少.....又乾乾地........又幾日無做去角質..........
所以當時皮膚質數麻麻 , 自己摸自己個鼻 都 feel 到少少黑頭粒粒咁.
好喇 .............第一次用後感 ~~~~~~
係有即時覺得塊面 [光澤] 唔少既 !
毛孔既 dirty 野都覺得減少左
洗面後皮膚唔算乾, 之後都無特別比平時乾 ~
至於防唔防青春痘........就未知喇........haha
有硫黃素既產品 , 我自己之前都有用過一隻 洗面粉 (都係日牌的, 仲要幾貴tim)
此成份其實唔好聞 , 臭臭地的 , 甚至可能覺得好似臭屁味咁....haha
如果去旅行有上過火山, 就會聞過硫黃既氣味 ~
但調返轉講, 亦因為有呢隻氣味, 即係香料成份唔高啦 ,
反而我寧願臭臭地 , 但用得健康啲喇 (笑)
以下圖片係返到黎香港時拍的 :
毛穴洗面刷係輕輕 <打圈> 用的 ~
用後 >>>>>>>>>>>>>>>>
塊面係真係比未用前有光澤左的 (我皮膚較薄, 加上岩岩刷完, 所以容易泛紅和見到紅筋呢)
再近啲 ~~~~~
個人認為, 兩者各自發揮其功效 :
1) 硫黃洗面去角質
2) 去完角質, 毛穴洗面刷就順道清理一下毛孔 dirty 野
大家有興趣可以買同類產品試下 , 洗面刷香港應該有的 ~
有興趣可睇埋..... <沖繩 曬乾面 之旅>
沖繩之旅重溫 :
日本沖繩 Okinawa - 那霸市- 抵食海鮮 之 第一牧志公設市場 (牧志漁市場)日本沖繩 Okinawa - 那霸市- 國際通 之 100yen店 / 藥妝店 / 鹽屋雪糕店日本沖繩 Okinawa - 北部 - 水族館 / 沙灘 / Resort (海洋博公園)日本沖繩 Okinawa - 北部 - 和陽光玩遊戲 之 (超美) 伊江島 / 古宇利島 日本沖繩 Okinawa - Outlet Mall Ashibinaa / 泊港漁市場 (泊いゆまち)日本沖繩 Okinawa - 單軌電車 / 新都心main place / 首里城 (最後一回)
******* 謝謝收看 *******
沒有留言:
張貼留言